જીવનની સમી સાંજે મારે જખ્મોની યાદી જોવી'તી, બહુ ઓછાં પાનાં જોઈ શક્યો, બહુ અંગતઅંગત નામ હતાં. — સૈફ પાલનપુરી

તું રસ્તો, તું મંજિલ, તું જ ભાગ્યવિધાતા છો, તું માર્ગદર્શક, તું પથદર્શક, તું જ આત્મજ્ઞાતા છો શમણાઓની સરિતા જ્યારે આંખ કિનારેથી નીકળે, ડૂબકાં ખાતી ઊર્મિઓનો તું જ જીવનદાતા છો કેટલાં સરનામાં, કેટલાં મુકામ, કોને-કોને મળવું, કાઢ હોકાયંત્ર અને જો, તું જ શોધયાત્રા છો. — દીપક…

ગણ્યાગાંઠ્યા શબ્દો ગણ્યાગાંઠ્યા શબ્દો વધ્યાં છે કેવળ સમજૂતીમાં રોકાણ હવે કરતો નથી, આંખ નિભાવે છે સઘળી જવાબદારી જીભને પથારીથી ઊભી કરતો નથી, રસ્તે મળી જાય ક્યારેક જૂનાં સંવાદો આપું છું સ્મિત પણ ભેટી પડતો નથી, પંક્તિ-વાક્યોને ફાવે ગેરહાજરી મારી વિરામચિહ્નોનાં ખોટાં ખર્ચા કરતો…

નિરાશા દરમિયાન પોતાની રાશ કોઈને આપવી નહીં. (રાશ ~ rein)

આંખોમાં પ્રકાશ જવો અને મગજમાં પ્રકાશ થવો આ બે ઘટના વચ્ચે ક્યારેક પ્રકાશવર્ષ જેટલો તફાવત હોઈ શકે છે. — દીપક મેઘાણી ('ક્ષણતીર'માંથી)